Қарағанды қалалық «Қазыбек би» мешітінде әйел-қыздар жамағатына арналған сира (Пайғамбарымыздың өмірбаяны) пәнінен ашық сабақ ұйымдастырылды.

Дәрісті мешіт ұстазы Ажар Кидирманова жүргізді. Ашық сабақ барысында ұстаз қатысушыларға Пайғамбарымыз Мұхаммедтің (с.ғ.с.) өмір жолы, көркем мінезі мен мұсылман әйелге тән өнегелі қасиеттер туралы кеңінен түсіндірді.

Шараның мақсаты – әйел жамағатының діни білімін арттыру, Пайғамбарымыздың (с.ғ.с.) өнегелі өмірінен тәлім алу және қоғамдағы рухани құндылықтарды дәріптеу болды.

Дәріс соңында қатысушылар өз әсерлерімен бөлісіп, алдағы уақытта да осындай мазмұнды дәрістердің жалғасын табуын тіледі.