ҚМДБ-ның жылдық жоспарына сәйкес Қарағанды облысына қарасты Шет аудандық «Жанқұтты би» мешітінде аудан, ауыл имамдарының білімін жетілдіруге арналған семинар өтті.

Оқыту семинарының негізгі мақсаты – ауылдық және шағын елді мекендердегі С санатындағы имамдардың кәсіби біліктілігін арттыру, діни білімін жетілдіру және қазіргі қоғам талаптарына сай мешіт қызметін тиімді ұйымдастыру бағытында әдістемелік тәжірибе беру болды.

Аталмыш семинарды Шет аудандық «Жанқұтты би» мешітінің имамы Берік Алпысбайұлы мен мешіт ұстазы Асыл Көкешұлы жүргізді.

Семинар барысында ұстаздар «Құран Кәрім», «Фиқһ», «Ғибадат исламия» және «Хадис» пәндері бойынша дәрістер өткізіп, қатысушылардың діни білімін жетілдірді.

Сонымен қатар, имамның қоғамдағы рөлі, жамағатпен қарым-қатынас әдебі, мешіт қызметіндегі жауапкершілік пен талаптар кеңінен талқыланды.