ҚМДБ-ның жылдық жоспарына сәйкес, Қарағанды облысы өкілдігінің ұйымдастыруымен С санатындағы аудан және ауыл имамдарына арналған білім жетілдіру семинарының емтиханы болып өтті.

Шараға ҚМДБ-ның Қарағанды облысы бойынша бас имамы Естай Айтуғанұлы қатысып, дін қызметкерлерінің кәсіби біліктілігін арттыруға бағытталған  семинардың маңыздылығына тоқталды.

Арнайы емтиханды Қарағанды облыстық «Әнет баба» мешітінің ұстаздары, ҚМДБ-ның Қарағанды облысы бойынша «Уағыз-насихат» бағытының жауапты меңгерушісі Бауыржан Мейімбекұлы және «Діни оқу-ағарту» бөлімінің жауапты маманы Сұлтан Мауратұлы жүргізді.

Семинар барысында имамдардың діни білімін жетілдіру, кәсіби шеберлігін арттыру, сондай-ақ қазіргі қоғам талабына сай мешіт қызметін тиімді ұйымдастыру бағытында тәжірибелік сабақтар мен түсіндірме дәрістер өткізілген болатын.

Екі күнге созылған оқыту семинарының соңында ҚМДБ-ның Қарағанды облысы бойынша бас имамы Естай Айтуғанұлы имамдарға арнайы сертификаттар табыстап, дін жолындағы сауапты қызметтеріне  сәттілік тіледі.

ҚМДБ-ның Қарағанды облысы бойынша баспасөз қызметі