Қарағанды қалалық «Бала қажы» мешітінің имамы Махмұд Нұрұлының ұйымдастыруымен мешіт ауласына жиырма бес түп ағаш отырғызылды.

Игі шараға мешіттің дін қызметкерлері қатысты.

«Ардақты Пайғамбарымыз Мұхаммед (оған Алланың салауаты мен сәлемі болсын): «Кімде-кім бір тал ексе, ол жеміс бергенше Алла Тағала міндетті түрде оған сауап жазады» деген. Тағы бір хадисте: «Кімде-кім бір тал егіп, оның жемісінен адам немесе Алла Тағаланың жаратылыстарынан біреу жесе, ақиқатында ол адам үшін бұл бір садақа» делінген. Біз жамағатты қоршаған ортаны қорғап, ағаш отырғызуға үндеп келеміз. Бұл бағыттағы жұмыстарымызды жалғастыра береміз» деп атап өтті Махмұд Нұрұлы өз сөзінде.

Еске сала кетейік, Діни басқарма әрдайым қоғамды тазалыққа, айналамызды таза ұстауға, табиғатты қорғауға, көптеп көшет отырғызуға үндеп келеді.

ҚМДБ-ның Қарағанды облысы бойынша баспасөз қызметі