Қарағанды қалалық «Бала қажы» мешітінің имамы Махмұд Нұрұлының ұйымдастыруымен әрі мешіт ұстазы Бақытгүл Айтқалиқызының  мұрындық болуымен әйелдер жамағатына арналған  мәуліт кеші болып өтті .

Қасиетті мейрамға орай ұйымдастырылған берекелі шараға аймақтың ұстаздары мен дін қызметкерлері,  ақ жаулықты әжелер мен қыз - келіншектер құрметті қонақ болды. 

Шараны ұйымдастырып, игі істің басы-қасында жүрген «Бала қажы» мешітінің имамы Махмұд қажы Нұрұлы берекелі рухани шарада Құран хатым дұғасын жасап,  Өзінің уағыз-насихатын айтып, кеш қонақтарына ыстық ілтипатын жеткізді. Бұдан кейін Бәрзәнжи мәулітін оқып, Пайғамбарымызға (оған Алланың салауаты мен сәлемі болсын) сәлем-салауаттар жолданды. 

Мешіт найб имамы Нұржан Оңғарұлы «Пайғамбарымыз Мұхаммед с а с сипаты» тақырыбында уағыз айтты.

Кеш соңында арнайы Мәуліт кешінің құрметіне жайылған дастархан басында  Құран оқылып, еліміздің амандығы мен тыныштығы үшін дұға жасалды.

ҚМДБ-ның Қарағанды облысы бойынша баспасөз қызметі