Пайғамбарымыз ﷺ: «Кімде-кім ақшам намазынан кейін жаман сөз айтпастан 6 рәкәғат намаз оқитын болса, бұл оған 12 жылдық ғибадатпен тең келеді»  (Тирмизи, Салят, 431), - делінген. Бұл нәпіл намазды «әууәбин» (тәубе намазы) деп атайды. Мағынасы «тәубе еткен, паналаған», яғни Аллаға тәубе етіп, Оны паналағандардың намазы дегенге саяды. Мұсылманның ең жақсысы – күнәдан бойын аулақ ұстағандар. Алайда, біліп-білмей күнәлі іс жасап қоятын кездер болады. Осындай сәтте Алланың қайта разылығына бөлейтін нәрсе, тәубеңе келу. Осы тәубе намазы да, Жаратушы Иемізден кешірім тілеудің бір жолы.  Пайғамбарымыздың ﷺ да бұл намазды ақшамнан кейін 6 рәкәғат оқығаны риуаят етілген. Алты рәкәғат оқылатын бұл намазды бір сәлеммен де немесе екі рәкәғат сайын үш сәлеммен де оқуға болады.