Center Image
IHSAN.KZ
«АР-РАХМАН» МЕШІТІ «ЕРБОЛ» КАФЕСІНДЕ АС БЕРУ МӘДЕНИЕТІН ТҮСІНДІРДІ
«АР-РАХМАН» МЕШІТІ «ЕРБОЛ» КАФЕСІНДЕ АС БЕРУ МӘДЕНИЕТІН ТҮСІНДІРДІ

Қарағанды қалалық «Ар-Рахман» мешітінің дін қызметкерлері «Ербол» кафесіне арнайы барып, Қазақстан мұсылмандары діни басқармасы әзірлеген «Құдайы ас беруде ысырапқа жол бермеу (мәзірі мен тәртібі)» құжатын таныстырды.

Кездесу барысында дін қызметкерлері құдайы ас беру рәсімдерін шариғат талаптары мен ұлттық дәстүрге сай ұйымдастырудың маңыздылығына тоқталды. Атап айтқанда, ас беру кезінде ысырапшылдыққа жол бермеу, қарапайымдылық пен үнемшілдік қағидаларын ұстану, дастархан мәзірін белгіленген тәртіпке сәйкес әзірлеу жөнінде түсіндірме жұмыстарын жүргізді.

Сондай-ақ құдайы астың негізгі мақсаты – марқұмға Құран бағыштап, дұға жасау, жақындарына көңіл айтып, рухани қолдау көрсету екені айтылды.

Шараның басты мақсаты – қоғамда ас беру мәдениетін қалыптастыру, орынсыз шығындар мен ысырапшылдықтың алдын алу, діни құндылықтар мен ұлттық дәстүр сабақтастығын кеңінен насихаттау.



Мәзір
Сайт тілі
© 2009 – 2026 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz