Қарағанды қалалық «Ар-Рахман» мешітінде жастардың рухани дамуына үлес қосу, имандылыққа баулу және салауатты өмір салтын насихаттау мақсатында «Жастар – руханияттың шамшырағы» тақырыбында рухани-танымдық кездесу ұйымдастырылды.
Тағылымды басқосу барысында жастарға ислам дінінің асыл құндылықтары, имандылық пен адамгершіліктің маңызы, ізгі амалдар мен көркем мінездің адам өміріндегі орны туралы насихат айтылды. Сондай-ақ жастарды білімге ұмтылуға, уақытты тиімді пайдалануға, үлкенге құрмет, кішіге ізет көрсетуге шақырды.
Кездесу аясында жастардың өзара достық қарым-қатынасын нығайту, бос уақыттарын тиімді өткізу және салауатты өмір салтын дәріптеу мақсатында үстел теннисінен спорттық жарыс ұйымдастырылды. Қатысушылар өзара бақ сынасып, белсенділік танытты.
Аталған іс-шара жас ұрпақтың рухани тәрбиесін жетілдіруге, бірлік пен бауырмалдықты нығайтуға, жастардың білімді, саналы әрі қоғамға пайдалы азамат болып қалыптасуына бағытталды.
«Халал» сертификаты
Имамдарға қызметтік пәтер
Мешіт туралы