Қарағанды қалалық «Ар-Рахман» мешітінде өрт қауіпсіздігін қамтамасыз ету мақсатында бірқатар жұмыстар атқарылды. Атап айтқанда, мешіт ғимаратына орнатылған өрт дабылы жүйесі жаңартылып, заманауи талаптарға сай қайта орнатылды.

Аталған жұмыстардың негізгі мақсаты – мешітке келуші жамағаттың, қызметкерлер мен барша азаматтардың қауіпсіздігін қамтамасыз ету, сондай-ақ ықтимал төтенше жағдайлардың алдын алу және өрт қаупі туындаған жағдайда дер кезінде хабар беруді ұйымдастыру.

Өрт қауіпсіздігі – әрбір мекеме үшін маңызды міндет. Сондықтан қауіпсіздік талаптарын сақтау және алдын алу шараларын тұрақты түрде жүргізу басты назарда.