Қарқаралы аудандық «Құнанбай қажы» мешітінің имамы Митератбек Орынбекұлы жергілікті тойханаларда «Той – тәрбие мен тағылым ордасы» тақырыбында насихат жұмыстарын жүргізді.

Кездесу барысында имам той өткізу мәдениеті, ұлттық салт-дәстүрлерді дәріптеу, ысырапшылдықтың алдын алу және шариғат талаптарына сай той ұйымдастыру мәселелеріне кеңінен тоқталды.

Сондай-ақ, той-томалақтың тәрбиелік мәнін арттыру, ұлттық құндылықтарды сақтау, дастархан әдебін ұстану және орынсыз шығындарға жол бермеудің маңыздылығын түсіндірді.

Насихат жұмысының басты мақсаты – қоғамда өнегелі той мәдениетін қалыптастыру, ұлттық дәстүр мен діни құндылықтардың сабақтастығын нығайту.