Қарағанды қалалық «Қазыбек би» мешітінде 18 қазан – Рухани келісім күніне орай мешіт жастары арасында үстел теннисінен спорттық сайыс ұйымдастырылды.

Іс-шараның мақсаты – жастар арасында достық пен ынтымақты нығайту, өзара сыйластық пен бірлікті дәріптеу, сондай-ақ салауатты өмір салтын насихаттау.

Спорттық сайыс барысында жастар өзара бақ сынасып, белсенділік танытты. Мұндай шаралар жас буынның бос уақытын тиімді өткізуіне және мешіт жастары арасындағы бауырмалдықты арттыруға ықпал етеді.