Абай аудандық мешітінің наиб имамы Ережеп Жардыбайұлы Дубовка ауылдық мешітінің жамағатымен кездесіп, «Жат ағым жарға жығады» тақырыбында уағыз айтты.

Уағыз барысында жат діни ағымдардың зияны, олардың қоғам мен отбасыға тигізетін кері әсері және діни сауаттылықтың маңызы түсіндірілді. Сонымен қатар дәстүрлі ислам құндылықтарын ұстану, діни мәселелерде сенімді дереккөздерге сүйену және жастарды теріс діни ықпалдан сақтандыру жөнінде насихат айтылды.

Кездесу соңында жамағатты бірлікке, бауырмалдыққа және дін жолында байыптылық танытуға шақырды.