18 қазан – Рухани келісім күніне орай Бұқар жырау ауданына қарасты Байқадам ауылының «Ғыйзат» қажы мешітінің жамағаты арасында футболдан спорттық сайыс ұйымдастырылды.

Шараның мақсаты – жамағат арасындағы бауырмалдықты нығайту, өзара татулық пен бірлікті арттыру және салауатты өмір салтын насихаттау.

Футбол сайысы барысында қатысушылар белсенділік танытып, өзара достық қарым-қатынасты нығайта түсті. Осындай спорттық шаралар жамағаттың ауызбіршілігін арттырып, жастарды дене шынықтыруға және салауатты өмір салтын ұстануға ынталандырады.