«Тайқазан» қайырымдылық акциясы аясында Абай ауданына қарасты Қарабас кенті мешітінің имамы Шарифулла Шадиев әлеуметтік көмекке мұқтаж бес отбасыға азық-түлік себеттерін үлестірді.

Қайырымдылық шарасының мақсаты – әлеуметтік қолдауды қажет ететін отбасыларға көмек көрсету, мұқтаж жандарға қолдау білдіру және қоғамда мейірімділік пен жанашырлық құндылықтарын дәріптеу.

Игі бастама аясында көмек алған отбасыларға қолдау көрсетіліп, қайырымдылықтың маңыздылығы тағы бір мәрте көрініс тапты.