Шет ауданына қарасты Ақадыр кенті «Иса молла» мешітінің ұстазы Алия Рахманқызының ұйымдастыруымен 1 қазан – Халықаралық қарттар күніне орай «Қарттарым – асыл қазынам» атты тағылымды іс-шара өтті.

Шара барысында ардақты әжелерге құрмет көрсетіліп, мерекелерімен құттықталды. Қонақтарға арнайы дастархан жайылып, сый-сияпаттар табысталды.

Кеш барысында мешіт шәкірттері де өз өнерлерін ортаға салды. Атап айтқанда, Гүлмаржан есімді шәкірт «Ана» әнін орындаса, Жаннұр есімді шәкірт «Қарияларға арнау» атты өлең жолдарын оқып, әжелерге жылы лебіздерін жеткізді.

Іс-шара соңында ақ жаулықты әжелер жастарға ақ баталарын беріп, өмірлік тәжірибелерінен өнеге айтып, ақыл-кеңестерін жеткізді.