1 қазан – Халықаралық қарттар күніне орай Қарағанды қалалық «Бала қажы» мешітінің имамы Нуров Махмұд қажы  Нұрұлы қарттар үйіне арнайы барып, ондағы қариялармен жүздесті.

Кездесу барысында мешіт имамы қариялардың жағдайын сұрап, мерекелерімен құттықтап, ақжарма тілегін жеткізді. Сонымен қатар үлкенді сыйлау, қариялардың өмірлік тәжірибесін қадірлеу және оларға қамқорлық танытудың маңызы сөз болды.

Қазақ халқы қашанда ақсақалдың батасын, ақ жаулықты әженің ақ тілегін ардақтап, үлкенге құрмет көрсетуді ұрпақ тәрбиесінің негізі санаған. Осы ретте Махмуд қажы қариялардан елдің амандығы мен жұрттың тыныштығын тілеп, ақ баталарын алды.

Өз кезегінде қариялар мешіт имамына ризашылықтарын білдіріп, игі тілектерін арнап, баталарын берді.