Қарағанды қалалық «Хазірет Әли» мешітінде «Берекелі шаңырақ – адал қоғам негізі» тақырыбында жамағатқа уағыз-насихат айтылды.

Мешіт имамы Ербол Мұқанұлы уағыз барысында ислам дініндегі отбасы құндылықтарының маңызына тоқталып, берекелі шаңырақтың негізі өзара сыйластық, түсіністік, жауапкершілік пен адалдыққа құрылатынын атап өтті.

Сонымен қатар, ерлі-зайыптылар арасындағы татулық, ата-анаға құрмет, бала тәрбиесі және отбасы мүшелерінің бір-біріне деген мейірімі жайында тағылымды ойлар айтылды. Имам отбасы берекесі қоғамның тұрақтылығы мен рухани дамуына тікелей әсер ететінін жеткізді.