Осакаровка ауданына қарасты Молодежный кенті мешітінің имамы Рүстем Мұратұлы мешіт жамағатына «Нашақорлық – қоғам дерті» тақырыбында уағыз-насихат айтты.

Уағыз барысында имам нашақорлықтың адам денсаулығына, рухани өміріне және отбасына тигізетін зияны туралы кеңінен түсіндірді. Есірткіге тәуелділіктің жеке адамға ғана емес, тұтас қоғамға кері әсер ететіні айтылды.

Сонымен қатар жамағатты зиянды әдеттерден аулақ болуға, денсаулықты қадірлеуге және салауатты өмір салтын ұстануға шақырды. Жастар тәрбиесіне көңіл бөліп, өскелең ұрпақты нашақорлықтан қорғаудың маңыздылығы атап өтілді.