Қарағанды қалалық «Бұқар Жырау» мешітінде Дүниежүзілік тазалық күніне орай сенбілік жұмыстары ұйымдастырылды.

Шара барысында мешіт қызметкерлері мен жамағат өкілдері мешіт аумағын тазалап, ауланы қоқыстан тазартып, айналаны ретке келтірді.

Сенбіліктің негізгі мақсаты – қоршаған ортаның тазалығын сақтауға үндеу, тазалық мәдениетін қалыптастыру және мешіт аумағын көркейту.

Жамағат тазалық жұмыстарына белсенді қатысып, ортақ игілікке өз үлестерін қосты.