Қарағанды қалалық «Міржақып Дулатұлы» мешітінде қасиетті Мәуліт айының құрметіне орай мешіт жамағатына арналған рухани кеш өтті.

Рухани шараның мақсаты – жамағатқа Пайғамбарымыз Мұхаммед ﷺ-нің өнегелі өмірі мен көркем мінезін насихаттап, мұсылмандық құндылықтарды дәріптеу.

Кеш барысында мешіт имамы Мирас Ерланұлы жамағатты қасиетті Мәуліт айымен құттықтап, ізгі тілегін білдірді. Сонымен қатар Пайғамбарымыз ﷺ-ге деген сүйіспеншіліктің маңызы мен оның өнегелі жолын ұстанудың мәні жөнінде насихат айтты.

Жиын барысында жамағатқа рухани тағылым беретін уағыздар айтылып, Мәуліт айының мәні мен маңызы кеңінен түсіндірілді.