Қарағанды қалалық «Төлеутай ата» мешітінің ұйымдастыруымен әлеуметтік көмекке мұқтаж жеті отбасыға  ет және күнделікті тұрмысқа қажетті азық-түлік өнімдері табысталды.

 Қайырымдылық көмегі отбасының әлеуметтік жағдайын жеңілдетіп, қажетті азық-түлікпен қамтамасыз етуге бағытталды.

Шара барысында мешіт имамы Рауан Төлеубекұлы мұқтаж жандарға қолдау көрсетудің, қиындыққа тап болған отбасыларға жанашырлық танытудың маңыздылығына тоқталды. Сондай-ақ қайырымдылық пен өзара көмек – қоғамдағы береке мен бірлікті нығайтатын ізгі амалдардың бірі екенін атап өтті.

Мешіт ұжымы осындай игі бастамалар арқылы әлеуметтік қолдауды қажет ететін жандарға көмек көрсетуді жалғастырып келеді.