Бұқар жырау аудандық «Жыржыс қажы» мешітінің имамы Ерлан Мамайұлының ұйымдастыруымен жаңа оқу жылының басталуына орай «Мектепке жол» қайырымдылық акциясы өткізілді.

Қайырымдылық шарасы барысында 10 балаға мектепке қажетті оқу құрал-жабдықтары мен керек-жарақтар табысталып, балаларға қуаныш сыйланды.

Мешіт имамы Ерлан Мамайұлы жас жеткіншектерді жаңа оқу жылымен құттықтап, білім жолында талмай ізденіп, жақсы нәтижелерге жетулеріне тілегін білдірді.

Ізгі шараның мақсаты – балаларға қолдау көрсетіп, жаңа оқу жылын жақсы көңіл күймен бастауына жағдай жасау, сондай-ақ қоғамдағы қайырымдылық пен жанашырлық құндылықтарын дәріптеу.

«Мектепке жол» акциясы аясындағы мұндай игі бастамалар балаларға қуаныш сыйлап қана қоймай, көпшілікке қайырымдылық жасауға үндейді.