Шахтинск қалалық «Нұр» мешітінің асханасында кезекті күрделі жөндеу жұмыстары жалғасын табуда.

Жамағатқа қолайлы әрі жайлы жағдай жасау мақсатында қолға алынған жөндеу жұмыстары аясында асхананың ішкі бөлігі кезең-кезеңімен жаңартылуда. Атап айтқанда, еденге жаңа керамогранит төселіп, асхананың ішкі келбетін жаңғырту және пайдалану сапасын арттыру бағытында бірқатар жұмыстар атқарылуда.

Мешіт асханасы – жамағат бас қосатын, қайырымдылық дастархандары мен түрлі игі шаралар ұйымдастырылатын маңызды орындардың бірі. Осыған орай асхананы заман талабына сай жаңартып, келушілерге барынша қолайлы жағдай қалыптастыруға ерекше көңіл бөлінуде.

Алдағы уақытта да жөндеу және абаттандыру жұмыстары кезең-кезеңімен жалғасатын болады.

Игі іске қолдау білдіріп, мешіттің көркеюіне үлес қосып жатқан барша азаматтарға Шахтинск қалалық «Нұр» мешіті атынан алғыс білдіреміз.