Қарағанды қалалық «Әл-Машани» мешітінде Қазақстан мұсылмандары діни басқармасының бастамасымен, «Жастар ісі» секторының және Келдібек Қуатбекұлының ұйымдастыруымен мешіт жастарына Мәуліт мерекесіне орай уағыз-насихат айтылды.

Кеш барысында жастарға Пайғамбарымыз Мұхаммед ﷺ-ның өнегелі өмірі, көркем мінезі, адамзатқа қалдырған өсиеттері мен сүннеті жайлы тағылымды насихаттар айтылды. Жастарға Алла елшісінің ﷺ өмірінен үлгі алып, көркем мінезді болудың, үлкенге құрмет, кішіге ізет көрсетудің маңызы түсіндірілді.

Мәуліт айының құрметіне ұйымдастырылған рухани кеш жастардың діни сауатын арттырып, имандылыққа, бірлікке, бауырмалдық пен ізгілікке үндеді.

Алла Тағала игі амалдарымызды қабыл етіп, баршамызға Пайғамбарымыз Мұхаммед ﷺ-ның өнегелі жолы мен сүннетін берік ұстануды нәсіп етсін!