Шет аудандық «Жанқұтты би» мешітінде Мәуліт айының құрметіне орай мешіт жастарының қатысуымен рухани тағылымға толы Мәуліт кеші ұйымдастырылды.

Кеш барысында жамағатпен бірге Мәуліт оқылып, Алла елшісі Мұхаммед ﷺ-ның өмір жолы, көркем мінезі мен адамзатқа қалдырған өнегесі дәріптелді. Жастарға Пайғамбарымыздың ﷺ сүннетін ұстанудың, ізгілік пен имандылықты өмірлік ұстаным етудің маңызы түсіндірілді.

Шара барысында мешіт имамы Берік Алпысбайұлы жамағатқа «Мәуліт – Пайғамбарға деген сүйіспеншіліктің көрінісі» тақырыбында тағылымды уағыз-насихат айтты. Имам өз сөзінде Мұхаммед ﷺ-ның үмбетіне деген мейірімі, сабырлылығы, кешірімділігі мен көркем мінезі жайында айтып, жастарды Пайғамбарымыздың ﷺ өнегелі жолынан үлгі алуға шақырды.

Сонымен қатар, жастар арасында ауызбіршілік пен бауырмалдықты арттыру, мешітке тұрақты келіп, рухани білімдерін жетілдіру жөнінде насихат айтылды.