Бұқар жырау аудандық «Жыржыс қажы» мешітінің имамы Ерлан Мамайұлы Керней ауылдық мешітіне басқару-бақылау жұмыстарын жүргізді.

Сапар барысында мешіт имамы құлшылық үйінің қазіргі тыныс-тіршілігімен таныстырып, аймақтағы діни қызметкерлердің атқарып жатқан жұмыстары жөнінде ақпарат берді.

Аудан имамы мешіттің ішкі және сыртқы аумағын аралап, тазалық жұмыстарына назар аударды. Сонымен қатар ғимараттың жағдайы тексеріліп, алдағы қыс мезгіліне дайындық барысы пысықталды.