Қарағанды қаласындағы «Әл-Ғаффар» мешітінде имам жастармен кездесіп, отбасылық құндылықтар және жас отбасыларды қолдаудағы «Аталар мектебінің» маңызы жөнінде түсіндірме жұмысын жүргізді.

Кездесу барысында ұлттық тәрбие, үлкенді сыйлау, отбасындағы жауапкершілік, ерлі-зайыптылар арасындағы сыйластық және ұрпақтар сабақтастығы мәселелері сөз болды.

Имам жастарға отбасы құру – үлкен жауапкершілік екенін айтып, шаңырақтың берекесі өзара түсіністік, құрмет пен сабырдан басталатынын атап өтті. Сонымен қатар аталар мен әкелердің өмірлік тәжірибесі мен ақыл-кеңесі жас отбасылар үшін маңызды тәрбие мектебі екеніне тоқталды.

«Аталар мектебі» арқылы жас буынға ұлттық салт-дәстүрді дәріптеп, үлкендердің өнегесін кейінгі ұрпаққа жеткізудің маңыздылығы түсіндірілді.

Кездесу соңында жастар өздерін толғандырған сұрақтарын қойып, отбасы құндылықтары мен ұрпақ тәрбиесіне қатысты пайдалы кеңестер алды.