Қарағанды облысы, Саран қалалық мешітінің ұйымдастыруымен «Дархан дала» жобасы аясында жастардың қатысуымен табиғат аясында тағылымды кездесу өтті.

Іс-шараның басты мақсаты – жастардың рухани-адамгершілік тәрбиесін нығайту, өзара достық пен бауырмалдықты арттыру, салауатты өмір салтын насихаттау және табиғат аясында пайдалы демалыс ұйымдастыру болды.

Кездесу барысында жастар арасында түрлі спорттық ойындар, командалық сайыстар мен танымдық бағдарламалар ұйымдастырылды. Сондай-ақ имандылық, ата-анаға құрмет, уақыттың қадірі, достықтың маңызы және қоғамдағы жастардың жауапкершілігі туралы насихат айтылып, еркін пікір алмасу өтті.