Атырау өңірінен арнайы ат терлетіп келген жамағат Қарағанды қаласында жаңадан бой көтерген «Міржақып Дулатұлы» мешітіне арнайы зиярат жасады.

Зиярат барысында мешітте қасиетті Құран Кәрім оқылып, ата-баба рухына бағышталды. Сондай-ақ еліміздің амандығы, жеріміздің тыныштығы мен халқымыздың бірлігі үшін дұға жасалды.

Қонақтарды мешіт имамы Мирас Ерланұлы жылы қарсы алып, мешіттің тыныс-тіршілігімен таныстырды. Кездесу соңында мешіт асханасында арнайы дастарқан жайылып, келген қонақтарға құрмет көрсетілді.

Жамағат жаңа мешіттің сәулетіне, атқарылып жатқан игі істерге ризашылықтарын білдіріп, ұйымдастырушыларға алғыстарын жеткізді.