Осакаровка ауданына қарасты Молодежный кентінде жасөспірімдер арасында қазақ күресінен сайыс ұйымдастырылды.

Дәстүрлі спорт түрін дәріптеуге бағытталған жарыстың негізгі мақсаты – жасөспірімдерді салауатты өмір салтына баулу, ұлттық спортқа деген қызығушылығын арттыру және олардың бойына отансүйгіштік пен қайсарлық қасиеттерін қалыптастыру.

Сайыс барысында қатысушылар өзара бақ сынап, шеберліктерін көрсетті. Жарыс соңында үздік өнер көрсеткен балуандар марапатталып, ұйымдастырушылар барлық қатысушыларға алғыстарын білдіріп, алдағы жарыстарда сәттілік тіледі.