ҚМДБ-ның Төрағасы, Бас мүфти Наурызбай қажы Тағанұлы Хазіреттің бұйрығымен Касимов Мирас Ерланұлы  Қарағанды қалалық «Міржақып Дулатұлы»  мешітінің  имамы қызметіне тағайындалды.

Қасиетті жұма күні ҚМДБ-ның Қарағанды  облыстық «Әнет баба» мешітінің наиб имамы Қоныскерей Құмарұлы жаңа имамды жиналған жамағатқа таныстырып, алдағы қызметіне сәттілік тіледі.

Бұған дейін Қарағанды қалалық «Әл-Машани» мешітінің молдасы қызметін атқарған  Мирас Ерланұлының қажырлы қызметіне баға беріп, тәжірибелі имамның бұл жұмысты да табысты атқарарына сенім білдірді.

Сондай-ақ, Қарағанды қалалық «Міржақып Дулатұлы» мешітінде бұған дейін  имам қызметін атқарып, жамағаттың бірлігі мен ұйымшылдығына үлес қосып, дін жолында белсенді қызмет атқарған Жасұлан Манатұлының жасаған жұмыстары үшін  ҚМДБ-ның Қарағанды облысы бойынша бас имамы Естай Айтуғанұлының арнайы алғыс хатын табыстап, иығына қазақы құрметпен шапан жапты.

Касимов Мирас Ерланұлы  

1988-жылы 17-сәуірде Қарағанды облысы, Қарқаралы ауданында дүниеге келген.

Білімі:

• 2016ж (қараша-желтоқсан) Алматы қаласы, РИБЖИИ айлық курс;
• 2018-2020ж.ж. Алматы облысы, Шамалған ауылы, «Үшқоңыр» медресе-колледжі;
• 2020-2023ж.ж Көкшетау қаласы, «Ш. Уәлиханов атындағы Көкшетау университеті» коммерциялық емес АҚ, тарихне дінтану факультеті.

Еңбек тәжірибесі:

• 2013-2018ж.ж. Қарағанды облысы, Қарағанды қалалық №1 мешітінің азаншысы;
•  2018-2019ж.ж Қарағанды облысы, Қарағанды қалалық «Әл Машани» мешітінің іс басқарушысы;
• 2018-2019ж.ж.Алматы қаласы, «Сұлтан қорған» мешітінің азаншысы; 
•  2019-2020 ж.ж Алматы қаласы, «Түрксіб» мешітінің наиб имамы;
• 2020-2024 ж.ж. Қарағанды облыстық «Әнет баба» мешітінің молдасы; 
• 2024 ж бастап Қарағанды облысы, Қарағанды қалалық «Әл-Машани» мешітінің молдасы қызметін атқарып келеді.

ҚМДБ-ның Қарағанды облысы бойынша баспасөз қызметі