31 мамыр – Саяси қуғын-сүргін және ашаршылық құрбандарын еске алу күніне орай ҚМДБ-ның Қарағанды облыстық “Әнет баба” мешітінде қасиетті Құран аяттары оқылып, зұлмат жылдары жазықсыз жапа шеккен ата-бабалар рухына дұға бағышталды.

Шара барысында ашаршылық құрбандарына арналған монументке гүл шоқтары қойылып, құрмет көрсетілді. Қарағанды облыстық “Әнет баба” мешітінің наиб имамы Бақдәулет Қыдырбайұлы Құран хатым жасап, арнайы дұға жасады.

Бұл тағылымды іс – тарихымыздың ең ауыр кезеңдерінде шейіт кеткен боздақтардың рухына тағзым етіп, олардың ерлігін ұлықтау әрі ұлт жадын жаңғыртуға бағытталған рухани шара болды.

Айта кетейік, Қазақстанда 31 мамыр – Саяси қуғын-сүргін және ашаршылық құрбандарын еске алу күні ретінде ресми түрде бекітілген.