Шахтинск қалалық «Нұр» мешітінің ұйымдастыруымен қасиетті Құрбан айт мейрамы аясында ұлттық құндылықтарды насихаттауға бағытталған арнайы номинация ұйымдастырылды.

Мерекелік шара барысында ең әдемі ұлттық киіммен келген көрерменге «ЕҢ ҮЗДІК ҰЛТТЫҚ КИІМ» номинациясы бойынша арнайы сыйлық табысталды.

Аталған бастама ұлттық киімнің қадір-қасиетін дәріптеп, қазақы дәстүр мен мәдениетті насихаттауға бағытталды. Сонымен қатар, жиналған жамағат ұлттық нақыштағы киімдердің көркіне ерекше ықылас білдіріп, мерекелік кештің сәнін арттырды.