Шахтинск қаласында қасиетті Құрбан айт мейрамының құрметіне балаларға арналған арнайы ойын-сауық бағдарламасы ұйымдастырылды.

Мерекелік шара барысында аниматорлар балалармен түрлі қызықты ойындар ойнатып, көңілді сайыстар өткізді. Сонымен қатар, ән айтылып, би биленіп, бүлдіршіндерге көтеріңкі көңіл-күй сыйланды.

Шараның басты мақсаты – балаларға Құрбан айт мерекесінің қуанышын сезіндіру, олардың мерекелік көңіл-күйін көтеру және ізгілікке баулу болды. Мерекелік кеш барысында балаларға арнайы сыйлықтар мен тәттілер таратылды.