Шахтинск қалалық «Нұр» мешітінде қасиетті Құрбан айт мерекесіне орай айт намазына келген балаларға арнайы айттық сыйлықтар үлестірілді.

Мешітке келген бүлдіршіндерге тәттілер мен мерекелік сыйлықтар табысталып, оларға көтеріңкі көңіл-күй сыйланды. Бұл шара балалардың айт мерекесіне деген қуанышын арттырып, мейрамның рухани атмосферасын сезінуге мүмкіндік берді.

Сонымен қатар, жамағатқа Құрбан айттың татулық, мейірім және қуаныш мерекесі екендігі насихатталып, балаларға ақ тілектер айтылды.