Қарағанды қалалық «Қазыбек би» мешітінің имамы Асылхан Нұртайұлының ұйымдастыруымен «Құрбан айт намазы қалай оқылады?» тақырыбында сұрақ-жауап дәрісі өтті.

Іс-шара барысында жамағатқа Құрбан айт намазының оқылу тәртібі түсіндіріліп, намаз оқу үлгісі  көрсетілді. Сонымен қатар, Құрбан айтқа қатысты қойылған түрлі сұрақтарға жан-жақты жауап берілді.

Дәріс мақсаты – жамағаттың діни білімін арттырып, Құрбан айт рәсімдерін дұрыс әрі сауатты орындауға бағыт беру.