Қарағанды облысы Шахтинск қалалық «Нұр» мешітінің ұйымдастыруымен «Өткенге құрмет – тіріге міндет» жобасы аясында «Северка» ауылында орналасқан мұсылман зиратында тазалық жұмыстары өтті.
Іс-шараға мешіт имамы Мәулен Әбілхайыр Кәсенұлы және мешіт қызметкерлері бастамашы болып, жамағат пен жергілікті тұрғындар белсене қатысты. Зират аумағында шөптер шабылып, қоқыстар жиналып, айналасы ретке келтірілді.
Мұндай игі шара – ата-бабалар рухына деген құрмет пен ізеттің, сондай-ақ қоғамдағы бірлік пен ынтымақтың айқын көрінісі. Зиратты күтіп-ұстау – өткенге тағзым етіп, кейінгі ұрпаққа өнеге қалдырудың бір жолы.
Сонымен бірге, аталған іс-шараға қолдау білдіргені үшін Северка ауылының әкімі Арман Саткеновичке мешіт ұжымы атынан алғыс айтылды.
«Нұр» мешіті алдағы уақытта да жамағатпен бірлесе отырып, осындай игі істерді жалғастыра бермек.
«Халал» сертификаты
Имамдарға қызметтік пәтер
Мешіт туралы