Бүгін «Әл-Ғаффар» мешітінде ардақты Пайғамбарымыз Мұхаммедтің (с.ғ.с.) туған күніне арналған Мәуліт кеші ұйымдастырылды.

Алғашқы сөзді мешіттің имамы Ермахан Оралбай Әділбекұлы алып, жамағатқа өнегелі уағыз-насихат айтты. Іс-шараға арнайы қонақ ретінде Әнет баба мешітінің ұстазы Аманжолов Сұлтан Мауратұлы қатысып, Пайғамбарымыздың (с.ғ.с.) өмірбаянын кеңінен баяндап берді.

Кеш аясында Пайғамбарымыздың (с.ғ.с.) өміріне қатысты сұрақ-жауап викторинасы ұйымдастырылып, қатысушыларға сый-сияпаттар тарту етілді.

Осындай игі іс-шаралар жамағатымыздың сүйікті Пайғамбарымыздың өнегелі өмірін еске алып, имани тәрбие мен рухани құндылықтарды бойға сіңіруге ықпал етті.

Алла Тағала жамағатымызға береке-бірлік, елімізге тыныштық нәсіп етсін!

ҚМДБ Қарағанды облысы өкілдігінің баспасөз қызметі