Қарағанды облысы Бұқар жырау аудандық «Жыржыс қажы» мешітінде мәйітхана құрылысы сәтті аяқталды.

Ауданның бас имамы Рүстем Мұратұлының бастамасымен қолға алынған бұл сауапты іс жомарт жандардың демеушілігімен жүзеге асты. Құрылыс жұмыстары қысқа мерзім ішінде сапалы орындалып, мешіт жамағаты мен аудан тұрғындары үшін үлкен қуаныш болды.

Жаңадан салынған мәйітхана ҚМДБ «Қамқор Шарапат» салттық қызмет көрсету орталығының талаптарына толық сай жабдықталып, қызмет көрсетеді. Мұнда марқұмды шариғат талаптарына сай жуу, кебіндеу және жаназа рәсімдерін өткізуге барлық жағдай жасалған.

Мешіт ұжымы мен аудан имамы сауапты іске атсалысқан барша азаматтарға шынайы алғыс білдіреді.

ҚМДБ Қарағанды облысы өкілдігінің баспасөз қызметі