Қарағанды облысы, Бұқар жырау ауданына қарасты Көкпекті ауылдық мешітінің ауласына асфальт төселіп, жамағатқа қолайлы жағдай жасалып жатыр.

Абаттандыру жұмысы мешіт имамы Нұржан Оңғарұлының ұйымдастыруымен және жомарт, демеуші азаматтың қолдауымен жүзеге асты. Мешіт ауласына төселіп жатқан жаңа асфальт – жамағаттың еркін жүріп-тұруына, әсіресе жаңбырлы күндері қауіпсіз және ыңғайлы болмақ. 

Мешіт ұжымы мен жамағат абаттандыруға атсалысқан азаматтарға алғыстарын білдірді.

ҚМДБ Қарағанды облыстық өкілдігінің баспасөз қызметі