Қарағанды қалалық «Қазыбек би» мешітінде әйелдер жамағатына арналған тұрақты діни дәрістер өтіп жатыр. Дәрістерді мешіттің ұстазы Гүлнар Ергожина жүргізіп келеді.

Сабақ барысында қатысушылар фиқһ (ислам құқықтары) және ақида (сенім негіздері) тақырыптары бойынша білімдерін арттырып, шариғи мәселелер жөнінде жан-жақты мағлұмат алады. Дәрістер сұрақ-жауап, пікір алмасу және күнделікті өмірге қатысты мәселелерді талқылау форматында өтеді.

Игі іс-шара әйел жамағатының діни сауатын арттыруға, имани тәрбиені нығайтуға және рухани бірлікті бекемдеуге бағытталған.

ҚМДБ Қарағанды облысы өкілдігінің баспасөз қызметі