Қарағанды қаласындағы «Қажыбай қажы» мешітінде Мариям, Гүлнұр ұстаздардың ұйымдастыруымен «Құран көкте нұр – жерде қазына» атты рухани кеш өтті.

Іс-шара барысында Құран жаттаған 13 шәкіртке салтанатты түрде тәж кигізілді. Рухани кешке 40-қа жуық адам қатысып, түрлі мазмұнды ойындар, «Қазыбек би» мешітіндегі Ажар ұстаздың тағылымды уағызы, «50 ғибратты сөз» және «Құран туралы жылы лебіз» айдарлары ұсынылды.

Салтанатты кеш соңында тәж киген шәкірттерге Құран, тәж және арнайы сертификаттар табысталды. Сонымен қатар, шәкірттерге «Ақниса» ателье орталығының тегін киім тігуге арналған сертификаты да сыйға берілді.

ҚМДБ Қарағанды облысы өкілдігінің баспасөз қызметі