Қарағанды қалалық «Әл-Ғаффар» мешітінің ұстазы Азамат Төлеухан Қарағанды қаласындағы №8 өрт сөндіру бөлімінде «Экстремизм – қоғамға төнген қауіп» тақырыбында түсіндірме дәріс жүргізді.

Іс-шараның басты мақсаты – қоғам мүшелерінің, әсіресе мемлекеттік қызметкерлер мен құқық қорғау органдары өкілдерінің діни радикализм мен экстремизмге қарсы иммунитетін арттыру, теріс ағымдардың алдын алу және дәстүрлі ислам құндылықтарын насихаттау болды.

Дәріс барысында ұстаз радикалды идеологиялардың пайда болу себептері мен олардың қоғамға тигізер зиянына кеңінен тоқталды. Сонымен қатар Қазақстан мұсылмандары діни басқармасының ұстанымы мен бағыты туралы жан-жақты түсіндіріп өтті. Іс-шара соңында қатысушылар тарапынан қойылған сұрақтарға жауап беріліп, өзара пікір алмасты.

ҚМДБ Қарағанды облысы өкілдігінің баспасөз қызметі