Бұл хадис Халид б. Уалидтен риуаят етілуде. Ол Хазіреті Пайғамбарға (с.а.у) бір бәдәуидің қойған сұрақтары мен оған берілген жауаптарды былайша жеткізеді: -Уа Расулуллаһ! Адамдардың ішіндегі ең ғалымы болғым келеді.  Не істейін? Пайғамбарымыз (с.а.у): -    Аллаһтан қорық. Оның әмірлерін орында, тыйғандарынан тыйыл, -        деді.

• Уа,Расулұллаһ! Адамдардың ішіндегі ең байы болғым келеді. Не істейін?
• Қанағатшыл бол. Аллаһтың саған берген үлесіне разылық көрсет, -деді.
• Уа, Расулұллаһ! Адамдардың ең жақсысы болғым келеді не істейін?
• Ең жақсы адам өзгелерге көп пайдасы тиген адам, -деді.
• Уа, Расулұллаһ! адамдардың ең әділеттісі болғым келеді. Не істейін?
• Өзің үшін қалаған нәрсеңді өзгелер үшінде қала, -деді.
• Уа, Расулұллаһ! Аллаһқа ең жақын құлдардан болғым келеді. Не істейін?
• Аллаһқа көп зікір етсең (есіңе алсаң), сонда Оған жақындайсың.
• Уа, Расулұллаһ! Мухсиндерден болғым келеді. Не істейін?
• Ғибадаттарың мен іс-әрекеттеріңде Аллаһтың сені көріп тұрғанын ұмытпа. Сен оны көрмесең де, Ол сені көріп тұрады, -деді.
• Уа, Расулұллаһ! Иманымды толықтыру үшін не істейін?
• Ахлағыңды дұрыста, -деді
• Уа, Расулұллаһ! Бойсұнушылардан (құлшылық етушілерден) болғым келеді. Не істейін?
• Аллаһтың әмір еткен парыздарын орында, -деді.
• Уа, Расулұллаһ! Аллаһқа таза болып жақындағым келеді. Не істейін?
• Ғұсыл, дәретіңе көңіл бөл. Кемшіліксіз, толық орында, -деді.
• Уа, Расулұллаһ! Раббымның маған мейірімі түскенін қалаймын. Не істейін?
• Өзіңе және бүкіл жаратылысқа (жанды-жансыз) мейіріммен қара. Сонда Аллаһта саған аяушылық білдіреді.
• Уа, Расулұллаһ! Күнәларымның азаюын қалаймын. Не істейін?
• Тәубе етуді және истиғфарды (жарылқау тілеу) ешқашан тастама. Күнәларың азаяды, -деді.
• Уа, Расулұллаһ! Ең қадірлі (құрметті, беделді) адам болғым келеді. Не істейін?
• Аллаһтың жаратқандарына Аллаһ жайында шағымданба, -деді.
• Уа, Расулұллаһ! Ең күшті адам болғым келеді. Не істейін?
• Аллаһқа тәуекел ет. Одан ажырама, -деді.
• Уа, Расулұллаһ! Аллаһ пен Елшісінің жақсы көретін адамдарынан болғым келеді. Не істейін?
• Аллаһ пен Елшісінің жақсы көрген нәрселерін жақсы көр. Жек көрген нәрселерін де жек көр, -деді.
• Уа, Расулұллаһ! Аллаһтың ашуынан аман қалғым келеді. Не істейін?
• Ешкімге ашуланба, сонда ашудан аман қаласың, -деді.
• Уа, Расулұллаһ! Дұғамның қабыл болуы үшін не істейін?
• Харамнан аулақ бол, халал жолмен мал тап, сонда дұғаң қабыл болады, -деді
• Уа, Расулұллаһ! Аллаһтың мені адамдардың арасында масқара етуін қаламаймын. Не істейін?
• Сен әурет жеріңді жап. Сонда Аллаһ та сенің кемшіліктеріңді көрсетіп масқара етпейді, -деді.
• Уа, Расулұллаһ! Аллаһ менің айыптарымды жасырғанын қалаймын, не істейін?
• Сен бауырыңның айыптарын жасыр. Сонда Аллаһ та сенің айыптарыңды жасырады, -деді.
• Уа, Расулұллаһ! Менің күнәларымды қандай нәрсе жоя алады?
• Көз жасы, ынтамен оқылған намаз және басыңа келген бәлеге сабыр ету, -деді.
• Уа, Расулұллаһ! Тозақ отын не сөндіреді?, -деген сұрағына Хазіреті Пайғамбарымыз (с.а.у) былай жауап берді:
• Сабыр және байсалдылық».

(Али әл-Муттақи, Кәнзул Уммал)                    Шет ауданы «Жанқұтты би» мешітінің бас имамы Б.Алпысбайұлы