Қасиетті Рамазан айында асыл дініміз Исламды қабылдауға бел буғандардың қатары көбейді. Берекелі айда бес адам мұсылмандықты қабылдап, тілін кәлимаға келтірді.

Атап айтқанда, Қарағанды облыстық «Әнет баба» мешітіне келген Надежда есімді азаматша мұсылмандыққа өтіп, есімін Үміт деп өзгертті. Дәл осы мешітке келген Вячеслав есімді жігіт Ислам дінін қабылдап,есімін Мұса деп ауыстырды. Облыстық мешітке келген Хабиба есімді азаматша да хақ дінге мойын сұнды. Сонымен қатар, Шахтинск қалалық «Нұр» мешітінде екі бірдей азамат Ислам дініне өтіп, Оның бірі есмін Рамазан деп ауыстырды.