"Дархан дала" жобасы аясында Қарағанды қалалық “Бала қажы” мешітінің ұстаздары “Дін мен дәстүр” бағыты бойынша қазақтың ғұлама ғалымдары, қайраткер, даналарының қабірін зиярат етті. Ұстаз Нұржан Оңғарұлы мен Фархат Нұрланұлы мешіттен тәлім алып жүрген шәкірттерін арнайы ала келген. Оларға зират пен зиярат мәдениетін насихаттап, Құран бағыштаудың озық үлгісін көрсетті. Бұл сапарда Баянауыл өңіріндегі ақын, қазақтың қаймағы болған Сұлтанмахмут Торайғыров пен Абай Құнанбайұлы және Мәшһүр Жүсіптің ұстазы болған ғұлама ғалым Қамариддин хазерттің де басына Құран бағышталды. Алла Тағала оқылған Құран аяттарын қабыл еткей!
Дархан дала жобасы аясында бабалар мазары зиярат етілді




