Қарағанды қалалық «Әл Машани» мешітінде сүйікті Пайғамбарымыз Мұхаммед (с.а.с) туылған «Рабиғ әл-әууәл» айының құрметіне орай Мәуліт мерекесі ұйымдастырылды.

Рухани кешке аймақтың құрметі жамағаты, дін қызметкерлері мен шәкірттері қатысты.

Кеш барысында мешіт имамы Сайлау Жұмағұлұлы жиналған жамағатты мәуліт мерекесімен құттықтап, жамағатқа Имам Тирмизидің (Алла Оған разы болсын) «Әш Шәмәиль әль-Мухаммадийя» кітабынан Пайғамбарымыздың (с.а.с)қадір қасиеті, түр сипаты жайлы хадистер оқып, Алла елшісіне (с.а.с) деген сүйіспеншілік жайлы насихат айтты. Сонымен қатар,  салауат айтудың артықшылығын түсіндірді.

Бұдан кейін Бәрзәнжи мәулітін оқып, Пайғамбарымызға (оған Алланың салауаты мен сәлемі болсын) сәлем-салауаттар жолданды. 

Кеш барысында Алла елшісінің өміріне қатысты сұрақтар қойылып, Құран оқылып, ел мен жердің амандығы үшін дұға жасалды.

 ҚМДБ-ның қарағанды облысы бойынша баспасөз қызметі