- Құран Кәрімді дәретпен қолға алу керек. Дәретсіз адам Құранды жалаң қолмен ұстай алмайды. Өйткені, Алла Тағала: «Оны (Құран Кәрімді) тап-таза болғандар ғана ұстайды», – деген (Уақиға сүресі, 79-аят).
- Құран Кәрімді оқитын кезде мүмкіндігінше құбылаға жүз бұру қажет.
- «Ә’узү билләһи минәш шайтанир ражим, бисмилләһир рахмәнир рахим» деп бастауы керек.
- Құран Кәрімді өз дауысын еститіндей дәрежеде тәжуид ережелеріне сай оқу керек.
- Құран оқылып жатқан кезде құлақ салып, тыңдау керек. Алла Тағала А’раф сүресі, 204-аятында былай дейді: «Құран оқылған кезде оған құлақ салып, үндемей тыңдаңдар. Бәлкім Алланың рахметіне қауышасыңдар».
- Құран тыңдамайтындардың жанында Құранды дауыстап оқымау керек. Оқылмауы тиіс жерде Құран оқыған күнәға кіреді.
- Құранның, не бір парағының болсын лайық емес жерде тұрғанын көрген адам оны ол жерден алып, лайықты орнына қоюы тиіс.
- Құран аяты жазылған парақтарды құрмет көрсетіп, жоғарыда ұстауы тиіс.
- Құран мұсхафын, Қара тасты, Қағбаның табалдырығын құрмет ретінде сүюге рұқсат.
«Халал» сертификаты
Имамдарға қызметтік пәтер
Мешіт туралы