Шахтинск қалалық «Нұр» мешітінің имамы Әбілхайыр Кәсенұлы Шахан кентіндегі «Сәлкен молла» мешітінің ұжымымен және жамағатымен кездесті.

Жүздесу барысында мешіттің тыныс-тіршілігі мен күнделікті қызметіне қатысты мәселелер талқыланды. Қатысушылар мешіт жұмысын жандандыруға байланысты ұсыныстарын білдіріп, өзара пікір алмасты.

Кездесуге «Нұр» мешітінің діни қызметкерлері мен ақсақалдары, сондай-ақ «Сәлкен молла» мешітінің діни қызметкерлері мен жамағаты қатысты.

Басқосу жергілікті мешіттің жұмысымен танысып, жамағаттың ұсыныс-пікірлерін тыңдауға мүмкіндік берді.