Қарағанды қалалық «Әл-Машани» мешітінің наиб имамы Ысқақ Рахимбекұлы «Мубарак» мейрамханасының әкімшілігімен кездесіп, Қазақстан мұсылмандары діни басқармасы тарапынан әзірленген «Ас беру мәдениеті» құжатын таныстырды.

Кездесу барысында ас беру рәсімдерін шариғат талаптары мен ұлттық дәстүрлерге сай ұйымдастыру, ысырапшылдықтың алдын алу, ас мәзірін реттеу және қаралы отбасына артық қаржылық салмақ түсірмеу мәселелері түсіндірілді.

Сондай-ақ наиб имам ас беру мәдениетін қалыптастыруда мейрамхана әкімшілігінің жауапкершілігіне тоқталып, қарапайымдылық пен қанағатшылдық қағидаларын ұстанудың маңыздылығын атап өтті.

Кездесудің негізгі мақсаты – қоғамда ас беру мәдениетін қалыптастыру, дін мен дәстүр сабақтастығын нығайту және ысырапшылдықтың алдын алу.